مشاهدة بابي اخر ابداعات اسفلت وامير يوسف
اسفلت هى فرقه اغانى راب شبابيه تلقي قبول من طبقه واسعه من شباب العرب ,,,,, بابي اخر ابداعات اسفلت بالاشتراك مع امير يوسف .
كلمات الاغنيه :.
بصيت لبابي المتزخرف بالأرانب
الوانه باهتة سايحة في خيوط العناكب
مقفول و ساكت، ترباسه شابك
شروخه زي مرشد تايه بالاجانب
و عين سحرية مستحية انها تفتح
و جرس أخرس، رافض للمزيكة يسمع
و ايد الأكرة عايزة بكرة علشان تقوم
حتى الكالون بيثبت نفسه يوم عن يوم
تراب على اليافطة عايش بيأكد غيابي
و الضهر جاهز للفرصة اللي تدق بابي
موجود قدامي؟ ولا في عقل بالي؟
ولا الباب دة فعلاً صورة مرسومة في خيالي
طب مين اتغلب مين الجاني, أنا ولا الزمن؟
مين الصح؟ مين الغلط؟ مين يدفع التمن؟
و ييجي الوقت أفكر أحاول 1000 مرة
مسيري في يوم هاكسر الباب واطلع برة
و لسة العقدة في لساني، ملازماني في كل مكان
و كل طريق بيرسمني، على الهامش بدون عنوان
و لسة على الحيطان عايشة، شروخ الماضي مش بتزول
يتوه الحلم جواها، و في الاخر يموت مقتول
بصيت لشباكى لقيته مليان شقوق
وضوء مرسوم على شكل واحد مشنوق
ماسك فى ايده لعبة مكتوب عليها مظلوم
ضمير مش قادر يقوم احلام عايشة فى غيوم
فجأة الضوء اتحول لشوية وشوش
و كل وش فيهم من وراه كابوس
كابوس ورا كابوس حتى لو مفتح عينى
محبوس جوه فانوس و البراءة مش هتجينى
مش كل ايد إتمدتلي ناوية تساعد
ولا كل واحد اسمه فرصة هيفضل قاعد
كل اختيار اخترته ادانى ظهره
حتى شباكى لما فتحته رفضنى برضه
بصيت من تانى لاقيت ستايره مقفولة
على كل درفة منه حكاية مقتولة
اسماء مشطوبة احلام مكبوتة
لكن هيجى يوم و العب دور البطولة
نرجو لكم مشاهده طيبه :.
كما يمكنكم مشاهدة ايضا :.
اغنية الراب وشوش لزاب ثروت وسلمى جاسر من هنـــــــــــــــــــــــــــــا
محول الاكوادإخفاء الابتساماتإخفاء الصفحه الرئيسيه